RSS Feed
Tuesday, October 6, 2009 | 
Titlee jo ek mujh ko mili thi kitaab main
Woh apna aks chore gayi mere khuwaab main
Ab tak woh mere zehen main uljha sawaal hai
Shaamil rahi jo har ghari mere nisaab main
Aankhon main neend hai na koi khuwaab door tak
Rehte hain hum bhi aaj kal waise azaab main
Milta hai gardishon se gale lag ke chaand bhi
Aaye the simat ke faasle kitne saraab main
Aakhir meri wafa ka mujhe kya sila mila
Likha na aik harf bhi us ne jawaab main
Share This
0 comments:
Post a Comment