Lakh doori ho magar ehad nibhate rehna.
Jub b barish ho mera soog manate rehna.

Tum gay ho to sari shaam ye adat tehri.
Bus kinare pe khare hath hilate rehna.

Jane is dil ko ye adab kahan se aaye.
Us ki rahoo me nigahoo ko bichate rehna.

1 modat se ye maamool howa hai ab to.
Aap hi roothna aap hi manate rehna.

Tum ko maaloom he Saqi, ye pagal pan he.
Door jate howe logoo ko bulate rehna.

Door jate howe logoo ko bulate rehna.

Sab kuch milta hai is jahan mein Saquib
Nahin milta to guzra hoa pal nahin milta

Kartey rahe’n ge younhi sairab zameene’n
In aansoo’n ko ab koi aanchal nahin milta

Ghurbat mein mayyasar kahan khushion ki dilbari
Sehra mein kisi ko kabhi baadal nahin milta

Kahney ko gham khowar-o-chara saaz hain bohat
Amlann kisi ke saath koi shamil nahin milta

Ham imaan ki dolat liye shahadat ke muntazir
Hamari safo’n mein koi buzdil nahin milta.

Sab kuch milta hai is jahan mein Saquib

Yaadai’n jaag jati hyn
Barisho’n k mausam main

Har ghari satati hyn
Barisho’n k mausam main

Shaambhi kisi surat
Chain se nahi kat’ti

Subhai’n bhi satati hyn
Barisho’n k mausam main

Zehen k jharokey main
Jab koi sada ubhrey

Aankhai’n bheeg jati hyn
Baarisho’n k mausam main

Baarisho’n k mausam main

Main usay kaise aikaila chor don is rah main
sath jo chalta raha majboriyon k baad bhi.

ban k khusboo rach gya hy yun mere ehsas main
door ho paya nahi woh dooriyon k bad bhi

rafta rafta us ko bhi ye duniya ra’as aa gye
muskra k woh mila hy ranjishon k bad bhi

fasly kb kum howay hain rabton k bad bhi
ajnabi thay ajnabi hain “mohabbaton” k baad bhi

Mohabbaton k baad bhi..

Bas itni si inaayat mujh pe aik baar kijiye
Kabhi aa ke mere zakhmon ka dedaar kijiye

Ho jaaye begaane aap shauq se sanam
Aapkee hain aapkee rahegey aitbaar kijiye

Parhne waale hi darr jaayen dekh kar ise
Kitaab-e-dil ko itnaa na daagdaar kijiye

Na majboor kijiye, ke main unko bhool jaaun
Mujhe meri wafaaon ka na gunehgaar kijiye

In jalte diyon ko dekh kar na muskuraaiye
Zara hawaaon ke chalne ka intezaar kijiye

Karna hai ishq aapse karte rahenge hum
Jo bhi karna hai aapko mere sarkaar, kijiye

Phir sapno ka ashiyaan bana liya hai maine
Phir aandhiyon ko aap khabardaar kijiye

Hame na dikhaiye ye daulaate ye shohrat
Hum pyaar ke bhookhe hain humey pyaar kijiye

Hum pyaar k bhooke hain humey pyar kijiye

koi mujh ko mera bharpur sarapa la de
meray bazu,meri ankhe,mera chehra la de

naya mausam meri binai ko taslim nahe
meri ankho ko wohe khawab purana la de

koi khahish nahe tuj se ay meri umar e rawan
mera bachpan,mery jugnu,meri gurya la de

Koi mujh ko…..

Meri taqdeer se pooch meri qismat ka faisla.
Meri muskurahat pe na ja mere dard ko talaash ker

Meri aankhon se pooch mere intizaar ki inteha.
Mere itminaan pe na ja mere sabr ko talaash ker

Mere pyar se pooch mere pyar ka aalam.
Meri soorat pe na ja meri seerat ko talaash ker

Meri seerat ko talaash ker

Tumhaari yaad kay jab zakham bharney lagtey hain
Kisi bahaaney tumko yaad karney lagtey hain

Hadees-e-yaar kay unwaan nikharney lagtey hain
Toh hareem mai gaisoo sanwarney lagtey hain

Her ajnabi humein mehram dikhaai daita hai
Jo ab bhi teri galli say guzarney lagtey hain

Saba say kartey hain ghurbat naseeb zikr-e-watan
Toh chashm-e-subah mai ansoo ubharrney lagtey hain

Wo jab bhi kartey hain us nuqta lab ki bukhiya giri
Fiza mai aur bhi naghmey bikharney lagtey hain

Dar-e-qafas pay andheray ki mohor lagti hai
Toh *Faiz* dil mai sitaarey utarney lagtey hain

TUMHAARI YAAD KAY JAB ZAKHAM BHARNAY LAGTAY HAIN

Har RAAT Gham-e-Tanhaai,
Har SHAAM teri yaad aai,

Laakh tujhey bhulana chaha,
Us se barrh kar teri YAAD aai.,

Tuj se koi UMEED bhi wabasta nahi,
Iss DUKH se meri Aankh Bhar aai,

Logon ne poocha ASHKON ka sabab?
Bus Mujhe kehna para…!! “TANHAAI”

Ashkon ka sabab tanhai

Yahan chahton ka sila nahi,
yahan dosti ka maza nahi,

yahan janay kesi hawa chali,
Rahi dostoon main wafa nahi,

yahan jal gaya mera aashiana,
Abhi badlon ko pata nahi,

Teray dar pe dastak de sakon,
ye haq to tum ne dia nahi,

Main raahi hon raah-e-umeed ka,
Mujhay manzilon ka pata nahi,

Be bas hon jahan main isqader,
jaisay mera koi “KHUDA” nahi,

MERI SAADGI MERA JURM HAi,
KOI AUR MERI KHATA NAHI.

Meri saadgi mera jurm hay

Jab kabhi tera dil ghabraey ager tujhe meri yad aay tu lou ana,
Ager tera sath koi choray ager koi tera dil turey tu lout ana,

Kuch waqat achca guzra hai sath tumare
who waqat jab yaad aay tu lout ana,

Yahe waqat akser sath nai dete dil walon ka,
pas reh kar b ager koi sath na de tu lout ana,

Na jane teri itni yad q atti hai,
Ager yahe pegaam pohnch jaye tu lout ana,

Lout aana

Lagta nahi k sath nibhae ga dair tak,
Lekin wo muJh ko bhool na pae ga dair tak. . .

Jo bhi qareeb aae ga us k usay zaror,
wo meri dastan sunae ga dair tak

Dhonde ga wo muJhe inhi galiyon me aik “DIN”
Dhonde ga,or muJh ko na paae ga dair tak

Me sahilon ki rait pe likhon gi us ka naam,
Wo pani pe mire naqsh banaega dair tak..

Kis haal me hon us k baad main,
Sun kar usey yaqeen na Aaega dair tak.

Dair tak…

ankhon me jo tehreerain theen!
honto pay vo bol na thay…

Hum thay us k pyar k aashiq!
Bas hathon mein kashkol na thay…

Hum ne us ko toot k chaha!
ye us ka haq tha lakin…

Wo b hum ko toot k chahey!
Hum itnay “ANMOL” na thay….

Anmol na thay..!

Dard kia hota hai btayein gein kisi roz
Kamal ki ghazal tum ko sunaein gein kisi roz

Thi unki zid k mai jaun unko manane
Mujko yeh veham tha vo bulayein gein kisi roz

kabi b maine to socha b nahi tha
Vo itna mere dil ko dukhaein gein kisi roz

Har roz aieene sey yehi poochti hun mae
Kia rukh pe tabassum sajayein gein kisi roz?

Urney do in parindon ko azaad fizaon mein
Tumhare hon agar to lout ayein gein kisi roz

Apne sitam ka dekh lena khud hi Saqi tum
Zakham e jigar tamaam log dekhein gein kisi roz !

Dard kia hota hai btayein gein kisi roz

Hounto Pe Hunsi Dekh Li Dil k Ander Nahe Dekha,
Aap Ne Mere Gahmoo ka Samounder Nahe Dekha,

Kitne khoub Sourat H ye Duniya ye Dekha h Aap Ne,
JE JE k Marney Waloh ka Manzer Nahe Dekha,

SHeeSHAY ka Makaan Tu Ne Bana to Liya H Dost,
Laiken waqt k Hath ka Pahter Nahe Dekha,

Rishtow k Totney ka Dard Tum Kiya Janow,
Wo Lamha Tum Ne Kabe Jee Kar Nahe Dekha,

Bahtkey Roshni ki Talash Mein Nahjane Kaha Kaha,
Afsoos k Apne RooH k Ander Nahe Dekha,

Hounto Pe Hunsi Dekh Li

Tum roth jao mujhse, Aisa kabhi na kerna,
Main ik nazar ko tarsoon, Aisa kabhi na kerna,

Main poch poch haron, so so sawal kar k,
Tum kuch jawab na do, Aisa kabhi na kerna,

Main kisi roz tum ko sada dun,
Aur tum na aao, aisa kabhi na karna,

Tum chaley jao jab bhi to dekhon tumhara rasta,
Tum loat k na aao, Aisa kabhi na karna….!!

Aisa kabhi na karna

AHL-E-Dil Youn Bhe Nibah Lete Hain
Dard Seene Main Chupa Lete Hain

Dil Ki Mehfil Main Ujaalon K Liye
Yaad Ki Shama Jala Lete Hain

Jalte Mausum Main Bhe Ye Deewane
Kuch Haseen Phool Khila Lete Hain

Apni Aankhon Ko Bana Ker Ye Zubaan
Kitne Afsane Suna Lete Hain

Jin Ko Jeena Hai Mohabbat K Liye
Apni Hasti Ko Mita Lete Hain

AHL-E-Dil Youn Bhe Nibah Lete Hain
Dard Seene Main Chupa Lete Hain

AHL-E-Dil Youn Bhe Nibah Lete Hain

Baaton baton mein bicharnay ka ishara ker k
Khud bhi roya woh bohut hum say kinara ker k

Sochta rehta hon tanhai mein Anjam-e-Khuloos
Phir usi jurm-e-mohabbat ko dobarah ker k

Jagmaga di hain teray shehar ki galiyan mein nay
Apnay her ashk ko palkon pay sitara ker kay

Daikh laitay hain chalo hosla apnay dil ka
Aur kuch rooz teray sath guzara ker k

Aik hi shehar mein rehna magar milna nahin
Daikhtay hain yeh aziat gawara ker k

Aik hi shehar mein rehna magar milna nahin

Ab kia likhain hm kaghaz par
Ab likhne ko kia baki ha,

ik dil tha so wo toot gya
ab tootne ko kia baki hay,

ik shakhs ko hm ne chaha tha
ik rait pr naksh banaya tha,

wo naksh kahan ab baki ha
ab kia likhain hm kaghaz par
ab likhne ko kia baki ha,

wo jin ko ham apni nazmo ka
unwan bnaya krte thay

lafzon ka banaa kar taj mahal
kaghaz par sajaya kerte the

wo shakhs jo hum ko chorr gya
sab rishton se mun mor gaya

ab kia likhain hum kaghaz par
ab likhne ko kia baki hay
ik dil tha so wo toot gya
ab tootne ko kia baki ha

Ab kia likhain hum kaghaz per

Yad aon to bas itni si inayat karna,
Apnay badlay howay lahjay ki wazahat karna,

Tum to chahat ka shahkar howa karte they,
Kis se seekha ulfat main milawat karna,

Hum sazaon k haqdar baney hain kab se?
Tum hi kah do kya jurm hai pyar karna?

Teri furqat main ye ankhain ab tak nam hain,
Kabhi aana meray ashkon ki zyarat karna,

Dil main ab bhi hain pyar k diye roshan,
Dekh bholay nahi hum teri hasti ki ibadat karna!

Yad aon to bas ….